Vakfê Heşiqanê Peyamberî, çarçoveyê aktîvîteyanê "Hezretê Peyamberî Famkerdene û Sinetê Ey Ciwîyayene" de, nê serrî zî bi temayê "Serekê Ma yê Wehdet û Xelasiyê Hezretê Mihemed" programê Mewlîdê Nebî viraşt.

İstanbul de zî Meydanê Bağcılar de aktîvîteyê Mewlîdê Nebî amey viraştene. Na aktîvîte de Serokê Onursalî yê Heşiqanê Peyamberî Mehmet Göktaş Xoca qiseykerdişê de kerd.

Mehmey Göktaş Xoca va ke, her tim "wehdet" (yewî) rojevê Muslumanan de yo, çunke dunya Îslamî zaf muhtacê yewî yo. Göktaşî da zanayene ke wehdet tenya bi "sevdâyê Peyamberî" mumkun o.

Göktaşî va ke:

"Eke ma vanê ma Musluman ê, la Peyamber Eleyhissalâtu Vesselâm ma de, ganê ma de, keyeyê ma de yew bedelîyayîş (vurnayîş) nêvırazîyo, no tenya vate de maneno. Ma qet nêşênê yewbînî hemêz (paç) bikerê. Bê Peyamberî, bê sevdâyê Peyamberî kes nêşêno kesî hemêz bikero. Kes nêşêno wehdetî awan bikero. Çîyê bi nameyê 'Ummet' nêbeno. Aye ra ganî her kes verê her çîyî xo ra dest pêbikero. Biewnîyo, o Peyamber kîta yo? Rayîrê xo ra biewnîyo, xizê (çizgi) xo ra biewnîyo. Xizê Mihemedî yo? Eke nê çîyî çin ê, eke nameyê Peyamberî amê vateyene û qelbê şima de yew lerze (kıpırtı) nêbena, no nêşêno şima rê bibo dermanê çokan û qewetê zendan. Nê çîyî rind bifikirîyê."

Göktaşî va ke: "Ma zanîme eke ma o Mihemed Aleyhisselamî bi qelbê de kûr (xori) hiz bikerê, Ella ma keno ezîzê rûyê erdî, ma keno sultanê dunya. Verên de zî her tim winasî bîyo. Kam ke Peyamber hiz kerdo, kamcîn cemat, kamcîn komel, kamcîn welat eke xo gıreydayo Peyamberî, Ella ê kerda merdimê tewr ezîzî. Bitaybetî ê merdimê ke Peyamber Eleyhissalâtu Vesselâmî hiz kenê; nê wextî de, wextê verêni de û wextê ameyi de zî rûyê erdî de merkezê trafo yê ke nura Ella tede nazil bena ê yê. Aye ra, çi ke ummetî ano pêser, sevdâyê Peyamberî yo. Ma nê çîyî xo vira nêkerê. No yew meseleyo asan (rehet) nîyo."

Mehmet Göktaş Xoca, qedr û qîymetê ke Hezretê Mihemedî rê ameyo mojnene ser o va ke: "Eke ma Peyamberî rê honık bê, eke wexto ke behsê Peyamberî beno ma lîngê xo eştê serê yewbînî, eke ma sîgaraya xo nêşonitê (nêmerna), eke ma xo nêdayê arê, pof de çi de nêpawyê. No yew adeto zuwa nîyo. Eke nameyê Peyamberî amê vateyene, eke sinetê ey amê vateyene, eke yew şîret yan zî emrê ey amê vateyene û ma de yew vurnayîş (bedelîyayîş) nêbeno, mixabin no hal xirab o. Aye ra, ganî ma leze nê nêweşî ra xelesîyê."

Göktaşî diqat ant serê ayetanê Qur’anê Kerîmî ke tede Ella-u Teala Muslumanan zey "Ezîz" û kafiran zî zey "necasat" name keno û wina dewam kerd:

"Ella-u Teala ewro, ê Muslumanê ke ezîz ê û ê kafirê ke zelîl, rezîl û necis ê, ardê vera yewbînî. Belê, ewro rûyê erdî de, Gazze de û cayanê bînan de, her caio ke dunya Îslamî de tede cîhad esto, Ellayî xora raştî zî kullê xo yê ezîzî vetê werte. Dunya rê mojna, Ewropa rê mojna. Va ke 'izzet no yo. Merdimê ke Ellayî ê ezîz kerdê, nê yê.'

Gazze ra komutanî ameyî. Înan yew bi yew ma rê qisey kerd. Ma va 'vaje'. Kam ê nê HAMASijî? Kam ê nê Tugayê Kassami? Ma va 'şane ma bidê'. Wallahî winasî behs kerd ke ma zaf şaş menda... Va ke 'zofê nînan hafîz ê û temenê (serra) înan 19-23 miyan de yo. Û nînan ra yewî zî qet nimajê xo qeza nêkerdo.'

Diqat bikerê! Nika kullê Ellayî yê tewr hizkerde (sevgili), meydananê cîhadî de yê. Wexto ke serê înan de bomba teqena, wexto ke caê de bomba erzîyena, ê remenê şonê uca. Pêro pîya şonê uca, diqat bikerê. Yanî nê merdimî winasî aşîqê şehadetî û resaena Ellayî yê.

Kafirê nê wextî û zalimê nê wextî zî, bawer bikerê ke zey ayeta ke ma va 'Muşrîkî necasat ê', hîna necis ê, hîna adî yê.

Yanî ewro dunya de izzet û rezalet şer kenê. Êyê ke kafirtî de, bêedebî de, fihşiyat de û heyşertî (haydutluk) de resayê tewr cor (zirve), yew kîşta cepheyî de yê; kîşta bîne de zî, zey ke mi va, ê kullê Ellayî yê hizkerdeyî, ê mucahîdê ezîzî estê. Ella-u Teala nura xo Gazze ra fîna dunya. Çar kofê dunya. Bitaybetî fîna Ewropa."

"Nê Gazze kerd vindi, nê Lubnan kerd vindi, nê zî Îran kerd vindi. Ino dem de, bawer bikerê ke tarîxê dunya de qet winasî nêbîyo; nura Ellayî vila bena. Îslam vila beno. Tarîx de qet yew wext Ewropayîjan winasî Ellayî nezî ra nêşinasnayo. Qet yew wext bi nê qeydeî muhatabê wehyî û Qur’anî nêbîyî.

Vajê, dewrê kamcîn padîşahî de Parîs de, Londra de, Washington de bi se hezaran xortê Xrıstîyanî Muslumanan de pîya nimaj kerd? Vajê, kamcîn dewr de? İşte, Ella-u Teala no bi Gazze kerd, bi nê mucahîdan kerd. Aye ra, wa kes moralê ma xerab nêkero.

Rast o, ma nezîyê 75 hezar birayê xo şehîd dayî, la bawer bikerê ke tewr kemi 750 hezar merdimî, yanî des qatê ci, ameyî dînê Îslamî. Gazze ra ver û nê cîhadê Muslumanan ra ver ameyî. Aye ra wa kes moralê ma xerab nêkero, her çî rind şono. Ella nura xo reyna temam keno, temam kerd zî. Bi raştî zî her rojê ma yê ameyî (sibe) yê ma yê.

Nê rojê çetînî dewrê sahabeyan de zî bîyê. Mefikirîyê ke ma demê Mekke her tim zey demêde dejî vînenê ya; Medîne de Muslumanan hîna felaketê girsî dîyê."

Göktaşî va ke waştişê ey o tewr girs, nê erdan ra kokeratê dişmenanê Îslamî eştiş o û wina dewam kerd: "Ma tarîx de zaf firaunî wendî, Nemrudî wendî; la şima heta nika sey nê bêşerefê bi nameyê Trumpî kes dîyo? Cuya ey ra biewnîyê. No merdim heyşertê heyşertan o, bêedebê bêedeban o û dorê ey zî her winasî yê. Zey ke mi va; yew kîşte de kullê Ellayî yê tewr hizkerdeyî, kîşta bîne de zî merdimê winasî bêedeb, yamyam û qustax estê ke fekê îblîsî zî a verdanê. Ella do pozê nînan erd de bısurno, Ella do şayîya nînan qirikê nînan de vıwerdo inşallah. Tenya ma sevdâyê Mihemedî rê wayîr vejîyê, destê ey bigerê û kontrol bikerê ka ma ey de pîya yê yan nê."

Mehmet Göktaş Xoca peynîya qiseykerdişê xo de nê vatêyî vîyarnayî: "Ella, kesê ke Resulê ey de pîya yê rê qet meğlubîyet nêmojneno. Îzzet dano, şeref dano. Ella bi nê çimê dunya resaena nê rojan, nê rojanê dejî ra xelesîyayene ma rê nesîb bikero; zey ke ordîyê hendekî def bîyî şîyî, zey ke Ellayî bi vardan (ba) ê şandî, Ella nê coğrafyayî ra û her caio mazlum ra nê zaliman, nê gangsteran û nê heyşertan leze def bikero û ma rê bimojno. Wa nê karî de para ma zî bîbo, ma aye rê dua bikerê. Ma Ellayî rê darna pira (yalvarıyoruz): Ya Rebî, nê kafiran û nê zaliman nê coğrafyayî ra def kerdene de ma rê zî hîse bidê, ma rê zî wezîfeyê bidê. Rayîrê ma akero û ma zî bi ê galîban re, bi muminan û mucahîdan re bikerê yew."

Program, bi duaya ke Nizamettin Yaçin Xoca wende peynî di.