Goreyê ercanê peyênan ê Mudiriyetê Pêroyî yê Meteoroloji; welat pîro de hewa do parçeyî û zaf bulutın (ewrayî) derbaz bîyo.

Têbitbîyena varısi; dormalê Deryao Sıpî yo Rocvetış, qeraxê Deryao Sîya, Anadoluyo Verocê Rocvetışî û Kocaeli, Yalova, Sakarya, Manisa û Denizli de sey varan û şîliye; herunê bînê ke tede varıs esto de kî sey vewre û varano têvışte (serdin) pawîyêno.

Texmin bîyêno ke; dormalê Deryao Sîya yo Rocvetış, Anadoluyo Rocvetış, Ordu û Sêrt de û hetê zımeyê Semsat, Diyarbekır û Batman de varıs ca ca şidetın (qewî) bıvâro.

Siba zaf zût û şewe de, mıntıqanê zerrî û rocvetışî de cemed û qeşa (don) pawîyêno.

Zerrê Deryao Sîya yo Rocvetış û dormalê rocvetışê Anadoluyo Rocvetışî de, herunê berz û dikan de tahlîkeyê herîna vewre (çığ) û helîyayena vewre esto.

Texmîn bîyêno ke; germahîya hewayî welat pîro de 4 ra heta 6 dereceyanê bînan kêmî (erjan) bîyo.

Ruzgar (va); qeraxê Ege, Deryao Sıpî, zerrî û rocvetışê Anadoluyo Mîyanên û qeraxê Deryao Sîya yo Mîyanên de hetê zımey (poyraz) ra; rocvetışê Anadoluyo Rocvetışî û rocvetışê Anadoluyo Verocî de kî hetê verocî (lodos) ra do şidetın û sey fırtınayê kilmî (40-70 km/sa) biewfîyo. Coka gerek o ke vera halanê xıraban miletê ma hişyar û bitedbîr bîyo.