Li gorî agahiyan, mînîbusek ji Rihayê diçû û karkerên çandiniyê dibir, li nêzî Geliyê Geminbeliyê li herêma Şarköy a navçeya Suşehrî ya Sêwasê kontrola xwe winda kir û ket nav geliyekê.

Piştî agahdariya qezayê, tîmên tenduristiyê, cenderme, agirkujiyê û AFADê sewqî cihê bûyerê hatin kirin. Raportên destpêkê nîşan didin ku sê kes mirine û 18 kesên din jî birîndar bûne, ku çar ji wan bi giranî ne.

Birîndar ji bo dermankirinê rakirine nexweşxaneyên giştî yên navçeyên Suşehrî û Zarayê. Walîtiya Sêwasê daxuyaniyek weşand: "Em sersaxiyê ji malbatên welatiyên xwe yên ku di qezayê de jiyana xwe ji dest dane re dixwazin û ji welatiyên birîndar re başbûnek bilez dixwazin."

Lêpirsînek berfireh li ser qezayê dest pê kiriye.

Dengê Xana Axpar