Biryara ferzkirina qedexeya derketina derve bi destpêkirina pêkanîna peymana di navbera hikûmeta Şamê û HSDê de ku tê de entegrekirina saziyên rêxistinê di nav avahiya dewletê de tê kirin re hevdem e.

Her ku çalakiyên ewlehiyê li bakur-rojhilatê Sûrîyeyê zêde dibin, yekîneyên ewlehiyê yên navxweyî yên girêdayî HSDê li bajarên Heseke û Qamîşlî qedexeya derketina derve ragihandin. Tê gotin ku ev biryar beşek ji merhaleya yekem a rêkeftina di navbera hikûmeta Şamê û HSDê de ye.

Li gorî daxuyaniyê, qedexeya derketina derve dê li Hesekê ji saet 6:00 sibê heta 6:00 êvarê bidome. Li gorî agahiyan, biryar e ku tedbîrek wisa roja Sêşemê li Qamîşlî jî were sepandin. Di daxuyaniyê de hatiye destnîşankirin ku ev biryar "ji bo garanîkirina ewlehî û aramiya giştî" hatiye dayîn.

Çavkaniyên ewlehiyê yên herêmî ragihandin ku Merwan el-Elî, fermandarê Hêzên Ewlekariya Navxweyî li Hesekê, serdana navendên ewlehiyê yên girêdayî HSD li Qamîşlî kiriye. Li gorî agahiyan, armanca serdanê hevrêzkirina pêvajoya veguheztinê li ser erdê bû. (ÎLKHA)