Qessam, li ser hîsaba xwe ya Telegramê daxuyanî da, got ew doh di dema esrê de li derdorê Taxa “Dibistana Er-Rahbât el-Vardiyye” ku li Taxa el-Hewayêye operasyonek li dar xistin û derheqê operasyonê de agahî da.

Qessam, ragihand ku li dijî wesayît û leşkerên ku di nav dibistanê de xwe bi cîh kirine ji mesafeya sifirê ve gule reşandine û bombeyan avêtine.

Tûgayên Qessam, di berdewama daxuyanîya xwe de weha got:

“Komek ji micahîdan, bombeyên vakumê avêtin nav wesayîta bizirx a balgirê leşkeran, mirettebatên wan kuştin û birîndar kirin. Bi tevî vê operasyonê tankekî Merkawayê jî bi ‘Çalakîya Fedaî”yê hat îmhekirin. Micahidên me dîtin ku helîkopteran ji bona ku birîndaran tehlîye bikin hatine herêmê.”

Hat destnîşankirin ku Tûgayên Qessam, li Taxa El-Sabrayê li nêzê Kolana 10emîn tankekî Merkawayê bi mayîna bejahîyê teqandine. (ÎLKHA)