Ekibanê Mudiriyetê Zabıtanê Belediyeya Sêwrege, yew depo yo ke mude yakê dıme de biy, kerd pırro. Kontrolanê ke pîya kî ekibanê Mudiriyetê Tarım û Ormanî amey kerdene de, ame fêmkerdene ke tarîxê goştê tawarî û beranê tawarî deperayo."

"Dıma nê kontrolan, qasê 50 ton goştê tawarî yo xerepyaye, hetê ekibanê zabıtan û karê pakîye ra bar kerdî kamyonan û seba imha kerdene berdî heruna çopî. Hetê bînî ra zî ame zanayene ke o cayo ke goştê deperayeyî kerdibi arê mure bi û do cezaya pereyî bıdê işletme.

Mudirê Zabıtan Tarık Kızılkeçi derheqê babete de nê vatî:

"Mudiriyetê Zabıtanê Belediyeya Sêwrege de, kontrolanê ma de ma yew esnafê bazarvancî ra şık kerd. Ma dıma kewtî û peynî de ma o depo dît. Hetê ekibanê ma ra kontrolî amey kerdene û uca de 50 ton goştê tawarî yo ke tarîxê cı deperayo û xerepyayo, ame tespîtkerdene. Ma be koordînasyonê Mudiriyetê Tarım û Ormanî yê Qezayî, nê berî bar kerdî kamyonan û seba imhakerdene şawitî. Goreyê fermanê Serokê Belediyeya ma, ma qet mısade nêdanê çi yo ke weşîya şarê ma xerepneno. Kontrolê ma bêvındertış do dewam bıkerê."