Hikûmeta rejîma îşxalker, cezayên ku li dijî Hamasê hatine ragihandin, berdaye. Li gorî vê biryarê, tê texmînkirin ku Deriyê Refahê li gorî peymana agirbestê ji nû ve were vekirin û tê texmînkirin ku gihîştina alîkariyên mirovî wekî ku hatiye plankirin berdewam bike.

Hat diyarkirin ku Deriyê Refahê dê îro piştî ku HAMASê cenazeyên çar êsîrên îşxalker radestî Xaça Sor kir, were vekirin.

Tê texmînkirin ku HAMAS îro hinek cenazeyan radest bike.

Di destpêkê de hatibû ragihandin ku dê neyê vekirin.

Rejîma îşxalker a sîyonîst di nîvê hefteyê de ragihand ku ew ê Deriyê Sînor ê Refahê girtî bihêle, bi hinceta ku Hamas hemû êsîrên xwe yên mirî radest nekiriye. Lêbelê, tê gotin ku ev biryar piştî pêşketinên dawî hatiye betalkirin.

Di çarçoveya agirbest û pevguhertina êsîran de, HAMASê cenazeyên 8 ji 28 êsîrên îşxalker ên heta niha mirine radest kir.

Li gorî rêkeftina ku di navbera aliyan de hatiye kirin, biryar hat dayîn ku ji bo dîtina cenazeyên winda, bi beşdariya nûnerên Tirkîye, Qeter, Misir û Emrîkayê komîteyek hevbeş were avakirin. (ÎLKHA)