Rêxistina Tenduristiyê ya Cîhanê (WHO) hişyariyek da û diyar kir ku vîrusa ku bi navê vîrusa Sûdanê tê nasîn li cîhanê belav dibe û kesên pê ketine bi lez dikuje.

Vîrus piştî ku hemşîreyek 32 salî ya ku li Uganda dijî mir hat tespît kirin.

Piştî haletên ku di 30ê Çileya 2025an de hatin ragihandin, bi giştî 14 kes bi vîrusê ketin. Hat diyarkirin ku 2 kesan ji ber vîrûsê canê xwe ji dest dane û dibe ku 2 kesan jî ji ber vîrûsê canê xwe ji dest dabin.

Di hişyariya ku ji teref WHO ve hat dayîn de hat diyarkirin ku vîrus di asta kujer de ye.

Hat ragihandin ku kesên bi vîrusê ketine dibe ku bi tayê, êşa zik, westandin, qelsî, êşa qirikê, êşa masûlkan, gêjbûn, vereşîn, xwînrijandina herêmê, têkçûna gurçikan û têkçûna organên pirjimar re rû bi rû bimînin.

WHO destnîşan kir ku ev nexweşî bi têkiliya rasterast bi xwîn, şilavên laş û tiştên ku bi vîrusê ketine ji mirovek din ve tê veguheztin.

Vîrûsa Sûdanê yekem car di sala 1976 de derket û bû sedema derketina nehemîn.

Di şewba ku herî dawî di sala 2022an de rû da de 164 kes hatin dîtin û 77 kesan canê xwe ji dest dan. (ÎLKHA)