Serokê Pêroyî yê HÜDA PARî Zekeriya Yapıcıoylo ke hesabê xo yê medya sosyale ser o daxuyanî dabi, vat: “Zaf muhîm o ke telebeyê ma zıwanê dadiya xo weçinê.”

“Wextê weçinayışê dersanê weçinıteyan dewam keno”

Yapıcıoylo ke bi Tırkî, Kurmanckî, Zazakî û Lazkî slogana “Zıwanê dadiya xu weçinê!” xebitna, vat: “Çarçoveyê teqwîmê Wezareta Perwerdeyo Neteweyî de wextê weçinayışê dersanê weçinıteyan dewam keno. Na daxuyanîya ke heta 20ê Sibate dewam kena de, zaf muhîm o ke telebeyê ma yê xonçeyî zıwanê dadiya xo weçinê.”

“Zıwananê xo vira mekerê”

Yapıcıoylo ke bal ant ser ke gerek ciyayîya zıwanan sey dewletî (zengînî) bêro dênê, vat: “Ma wayîrê dewletiya xo vejiyê, zıwananê xo vira mekerê!”

Yapıcıoyî mesajê xo de nê çîyî qeyd kerdî:

“Zıwanê dadiya xu weçinê! Zimanê dayika xwe hilbijêre! Nana nenani seç̌i! Ana dilini seç!

Çarçoveyê teqwîmê Wezareta Perwerdeyo Neteweyî de wextê weçinayışê dersanê weçinıteyan dewam keno. Heta 20ê Sibate telebeyê ma yê ezîzî wa zıwanê dadiya xo weçinê, no zaf muhîm o.

Ciyayîya zıwananê ma dewletiya (zengînîya) ma ya. Ma wayîrê na dewletî vejiyê, zıwananê xo vira mekerê!”