Serokê Giştî yê HUDA PARê Zekeriya Yapicioglu li ser hesabê xwe yê medyaya civakî derbarê mijarê de daxuyaniyek da û got, "Girîng e ku xwendekarên me zimanê xwe yê dayikê tercîh bikin."

"Pêvajoya hilbijartina dersên bijarte berdewam e"

Yapicioglu, ku slogana "Zimanê xwe yê dayikê hilbijêre!" bi zimanên Kurmancî, Zazakî û Lazî bikar tîne, got, "Pêvajoya hilbijartina dersên bijarte di çarçoveya salnameya ku ji hêla Wezareta Perwerdehiya Neteweyî ve hatî weşandin de berdewam dike. Girîng e ku xwendekarên me yên delal di vê pêvajoyê de, ku dê heta 20ê Sibatê bidome, zimanên xwe yên dayikê hilbijêrin."

"Werin em zimanê xwe ji bîr nekin"

Yapicioglu tekez kir ku divê pirrengiya zimanî wekî dewlemendiyek were dîtin û got, "Werin em dewlemendiya xwe biparêzin, werin em zimanên xwe ji bîr nekin!"

Yapicioglu di peyama xwe de ev tişt anî ziman:

"Zimanê xwe yê zikmakî hilbijêre!

Zimanê dayika xwe hilbijêre!

Zıwanê dadiya xu weçînê!

Nana nenanî seç̌i!

Pêvajoya hilbijartina dersên bijarte di çarçoveya salnameya ku ji hêla Wezareta Perwerdehiya Neteweyî ve hatî weşandin de berdewam dike.

Girîng e ku xwendekarên me yên delal di heyama xwendinê de ku heta 20ê Sibatê berdewam dike, zimanên xwe yên zikmakî tercîh bikin.

Cûrbecûrîya zimanên me dewlemendîya me ye. Werin em vê dewlemendîyê biparêzin û zimanên xwe ji bîr nekin!" (ÎLKHA)