Serokê HUDA PARê Zekeriya Yapicioglu di daxuyaniyekê de ku li ser hesabê xwe yê medyaya civakî da, diyar kir ku her çend êşa bûyera trajîk a li Rihayê hêna teze be jî, ew careke din bi xebera xemgîn a ji Mereşê hejiyane.

"Xwedê sebrê bide malbatên wan û miletê me"

Yapicioglu ji bo kesên ku di êrîşa li Mereşê de canê xwe ji dest dane sersaxî xwest û got, "Ez ji Xwedayê Teala rehmetê li mamoste û zarokên me yên ku di êrîşa hovane ya li Mereşê de canê xwe ji dest dan dixwazim. Xwedê sebrê bide malbat û miletê me. Ez ji zarok û mamosteyên me yên ku di vê êrîşa hovane de birîndar bûn re şifayê dixwazim."

"Ew bi êş giraniya pirsgirêka tundûtûjiyê li rûyên me diqîre"

Yapicioglu tekez kir ku rêzebûyerên trajîk ên dawî rêjeya metirsîdar a çerxa tundûtûjiyê di civakê de eşkere kiriye, û pêwîstiya têkoşînek berfireh li dijî hêmanên ku tundûtûjiyê gur dikin û teşwîq dikin, destnîşan kir.

Yapicioglu bal kişand ser hilweşîna exlaqî û platformên ku şîdetê gur dikin, peyama xwe bi van gotinan bi dawî kir:

"Bûyerên ku me duh û îro dîtin bi awayekî êşdar mezinahî û giraniya pirsgirêka tundûtûjiyê nîşan didin. Divê em bi ciddî li ser her tiştê ku tundûtûjiyê teşwîq dike - fîlm, rêzefîlmên TV, platformên civakî, komên vîrtûel, madeyên hişber, alkol… - bisekinin û bi lez çareseriyên ku dê rihetiyek rastîn peyda bikin bicîh bînin." (ÎLKHA)