"Dema ku em behsa Pêxember dikin, hemû Misilman dibin yek beden"

Şakir dema ku li ser bernameya ku beşdarî wê bûye tesûrên li ser xwe parve kir, got, "Hesab ji Xwedê re, Êlih dîrokê dinivîse. Evîna ji bo Pêxember li Êlihê ber bi asîmanan ve bilind dibe. Dema ku em li meydanên li vir dinêrin, em dibînin ku bi sed hezaran mirov li hev civiyane, tenê dikarin li dora mijara yekîtîya Pêxemberê me Hezretî Muhammed bibin yek. Dema ku em behsa Pêxember dikin, hemû Misilman dibin yek beden. Qebîle, mezheb, nîjad û dibistanên ramanê hemû dicivin. Hemd ji Xwedê re, em bi zelalî dibînin û şahidiyê dikin ku ev mirov li vir bi evîna ji bo Pêxemberê me Hezretî Muhammed hatine yek kirin."

"Em dibînin ku hemû Misilmanên li vir wekî yek laş yekgirtî ne"

Şakir got, "Mînaka li vir ji bo tevahiya alema Îslamî mînakek baş e. Ger nakokî û fesadî nekeve tevahiya alema Îslamî, hemû Misilman dê li dora evîna Pêxemberê me Hezretî Muhammed (silavên Xwedê lê bin) bibin yek beden, yek mûşt, yek deng û yek peyam. Hemd ji Xwedê re, em îro vê yekê li vir dibînin. Em bawer dikin ku Misilman, bi taybetî îro, ji her demê bêtir hewceyê yekîtî, hevgirtin û hevkariyê ne."

Şakir, derheqê avakirina tifaqekê li dijî êrîşên li ser Îslam û Misilmanan de peyamên girîng ragihand û got, "Dersgirtin ji êrîşên ku bê ferq li dijî hemû Misilmanan dest pê kirine, sedemek bes e ku Misilman bibin yek û li hev bisekinin. Em dua dikin ku Xwedê Misilmanan bîne cem hev, yekîtîya wan xurt bike û wan li dora heman baweriyê di biratî, evîn û hevgirtinê de bike yek." (ÎLKHA)