Emrîka di meha Adara 2003an de, Iraqê îşgal kiribû. 10 sal bi ser îşgalkirina Iraqê ket. Emrîka bi îşgalê dîwarên navber bilind kir, bi wan dîwaran, navbera xelkê birî. Bi noqteyên kontrolê, giraniya eskeriyê li her derê zêde kir. Li welêt ne asayîş ava kir, ne emniyet saz kir. Tenê bû sebebê teqîn û bombekirin û kuştinên her roj.
Xelkê Beğdayê niha difikire ku, Beğdayê bûye hepseke vekirî. Lewra bi dîwarên navber millet ji hev hatiye birîn û dûrxistin. Ewilî ji bo parastina eskeran van dîwar dihatin lêkirin, dûre ji bo jihevqetandina milletê Beğdayê hatin lêkirin. Di 2005an de herêmên Beğdayê ji hev birî. Wesaîtên eskerî û emniyetê bê plaka û bêpirsîn, di rê de derbas dibin, feqet kesên sivîl bi saetan di bin 50 derencê de disekinin.