Wekîlê Serokê Koma CHPê Levent Gok û parlementerên CHPê Alî Ozcan, Vecdî Gundogdu, Mehmet Goker û Unal Demîrtaş ji bona ziyaretinan hatin Mêrdînê.
Lijneya CHPê ya ku Waliyê Mêrdînê ziyaret kir diyar kir ew ê pirsgirêkên dikandaran guhdar bikin û ew ê vê wek raporê amade bikin û teqdîmî Enqerê bikin.Lijne piştî ku dikandaran ziyaret kirin re çûn Şaredariya Mezin a Mêrdînê û bi Serokê şaredarîyê re hevdîtinek kirin.
Ji Ahmet Turk daxuyaniyên wek ‘Îtîraf’ê
Di dema hevdîtinê de Serokê Şaredariya Mezin Ahmet Turk diyar kir xelk perîşan bûye û wiha li axavtina xwe zêde kir: “ Berî vê pêvajoya pevçûnê nêzî milyonek turîst dihate Mêrdînê, lê belê bi destpêka pevçûnan hûn nikarin turîstekî/ê jî bibînin. Dev ji turîstan berdin kesên ku karên wan jî hene newêrin werin Mêrdînê. Ji ber ku li tevahiya Mêrdînê karên turîstiyê tê kirin dikandar dema ku serê şeveqê dikanên xwe vedikin heta êvarî nikarin ji bona heqê benîştekê jî tiştekî bifiroşin. Kesên ku karê turîstî û otelê dikin mecbûr man nêzî 600 karkerî ji îş derxînin. Êdî nikarin heqê ceyran û avê bidin.”
Lijneya CHPê piştî vê ziyarete Baroya Mêrdînê û çend cihên din ziyaret kirin.(ÎLKHA)