Li welatekî Misliman û muhafezeker ji ber ku kovara Girgirê ya ku kovara ‘mîzah’ê ye karîkatureke ku tê de heqaret li Hz. Mûsa dihat kirin weşand ji kovarê re gelek reaksîyonên tund tên nîşandan. Alim , akedemîsyen û rîspiyên ku ji karîaktura ku hatiye weşandin re bertek nîşan dan destnîşan kirin ev cûreke şer a ku li dijî Mislimanan tên birêvebirin e û divê berpirsiyarên karîkaturê bên cezakirin.
Endamê Lijneya Birêveberiyê yê Yekîtiya Medrese û Aliman(Îttîhad’ul Ulema) Abdulqudus Yalçin di derbarê mijarê de destnîşan kir divê Misliman li dijî van êrîşan bibin yek û wiha li axavtina xwe zêde kir: “Pêwîst e Misliman bibin yek û bibin wek quwetekê. Kufr vê karîkatura rezîl wek amûreke herbê bi kar tîne. Şeytan û hevalên şeytan êrîşên xwe di şiklên cuda de didomînin. Divê kesên mesûl bi şikleke herî giran bên cezakirin.”
Serokê Şaxa Makezanîsta Dîroka Felsefeyê yê Zanîngeha Dîcleyê Bulent Sonmez jî karîkatura ku hatiye xêzkirin wek ateîzma wextê wê derbasbûye wesfandi û wiha li axavtina xwe zêde kir: “ Tu eleqeya wê karîkaturê bi azadiya îfadê re tuneye. Însan ne bi azadiya xwe bi semîmiyeta xwe însan e. Ji bo van însanan tu muqaddesat tuneye. Ev cûr tewr nerehetiyên psîkolojîk in.”
Yrd. Doç. Dr. Oktay Bozanê Serokê Makezanîsta Hûnerên Tirkan ên Îslamê yê Fakulteya Îlahiyatê ya Zanîngeha Dîcleyê jî di derbarê mijarê de destnîşan kir bi karîkatura ku hatiye xêzkirin aştiya civakî hatiye hedefgirtin. Bozan dû re wiha li axavtina xwe zêde kir: “ Ew îfadeyên di karîkaturê de ne yê qebûlkirinê ne. Bi tahrîkkirina Mislimanan tê xwestin çi bê kirin?”(ÎLKHA)