Dadgeha Îdarî ya 2yemîn a Dîyarbekirê biryar da ku biryara Walîtîya Dîyarbekirê ya nepejirandina biryara navborî neqanûnî ye.

Di biryarê de hat gotin ku dema navlêkirina deverên hevpar tê kirin, divê navên ku ji bo raya giştî qebûlkirî bin, werin hilbijartin.

Di biryara dadgehê de hat gotin ku Meclîsa Şaredariya Bajarê Mezin a Dîyarbekirê bi biryareke 29ê Mijdara 2011an navê bûlwarê kiriye "Bûlwara Şêx Seîd" û ev biryar di 5ê Kanûna Pêşîn a 2011an de ji bo pejirandinê ji walîtîyê re hatiye şandin, lê nehatiye pejirandin.

Di biryarê de hat gotin ku, li gorî rapora lêpirsîna dîrokî ya Rêveberiya Giştî ya Karûbarên Nifûs û Hemwelatîbûnê ya Wezareta Karên Navxweyî, navê "Bûlwara Şêx Seîd" di 12ê Îlona 2012an de di Sîstema Tomarkirina Navnîşanan de hatiye qeydkirin.

Dadgehê, bi îşaretkirina belgeyên dîrokî û raporên pisporan ên di dosyeya dozê de, bi bîr xist ku "Şêx Seîd wekî serokê serhildana 1925an hat darizandin û îdamkirin."

Li ser van sedeman, dadgehê argûman kir ku navê "Şêx Seîd" ne ji wê xisletê ye ku ji hêla gel ve bi gelemperî were pejirandin û dikare bibe sedema dabeşbûna civakî.

Meclîsa Şaredariya Bajarê Mezin a Dîyarbekirê di 13ê Sibata 2025an de biryar da ku bûlwar wekî "bênav" were destnîşankirin.

Meclîsê biryar da ku di 18ê Nîsana 2025an de navê vê bûlwarê bibe "Bûlwara Azadiyê". (ÎLKHA)