Platforma evîndarên pêxember, bi munasebeta fealiyetên bernamên wîladeta pîroz civînên xwe didomîne.
Îsal wê bername bi navê “Rêberê Azadî û Rizgariyê Hz Muhammed(‘e.s)” bên li dar xistin. Koordînatorê giştî yê platformê parêzer Ebdulğanî Orhan da zanîn ku, wê bername di 29ê Adarê de dest pê bikin.
Her wiha diyar kir ku, ji bo lidarxistina bernamên wîladeta pîroz, dora 200 deverê telebî platformê kirine. Ji wan tarîxa bernamên 5 bajarên mezin hatine zelalkirin. Li gor tarîxan bernama li Edenê di 31ê Adarê de, bernama li Diyarbekir di 21ê Nîsanê de, bernama li Batman û Wanê di 28ê Nîsanê de, bernama li Stenbolê jî di 5ê Gulanê de tên lidarxistin.
Koordînatorê platformê Orhan beyan kir ku, afîşên kampanyayên siyer û selewatan jî hatine tesbîtkirin, kesên bixwazin dikarin ji malpera platformê daxin.