Fransa tevlîheviya nav Malî, mucahîdên Îslamî û El Qaîde kir behane û hincet, û Malî îşgal kir. Di serî de Emrîka, Elmanya, Îngilîstan, Teşkîlata Dewletên Yekbûyî û welatên Ewrûpa destek dan vê îşgalê. Welatên Efrîkayê jî, bi esker û maddiyatê, piştgiriya Fransayê dikin.
Feqet tiştên diqewimin, eşkere dikin ku amanc û hedefa Fransa, ne xelasiya xelkê Malî ye, belkî mijandina dewlemendiyên mîna zêr û ûranyûma erda Malî ye, rê girtina li ber pêşveçûn û hakimyeta Îslamê ye. Li Efrîkayê avakirina zorbatî û tehekkuma rojava ye.
Çavkaniyên mehelî beyan dikin ku, li Malî eskerên ordiya welêt, heger eskerên muxalîf bigrin, wan di nava kuçan de eşkere înfaz dikin. Fransa ji bo bajaran bi dest bixe, camiya jî dide ber bombardimanan. Bi hezaran eserên destxet dide şewitandin. Ji ber êrîşan bi sed hezaran kes, malên xwe diterikînin.