Berdevkê dewrî yê Platforma Evîndarên Pêxember Yahya Oğraş, ji Ajansa Îlkeyê re li ser bernameyên wîladeta pîroz xeber da. Da zanîn ku armanca wan ew e ku Quran û sunnet bê fêmkirin û têkeve heyata însan.
Oğraş îfade kir ku mijara bernameyên îsal, fêmkirina Quran û Sunet û jiyîna li gorî wan e.
Yahya Oğraş wiha got: “Weke her sal îsal jî, kampanyayên selewatan teweccuh û eleqeyek mezin dibînin. Însanên me bi bereketa van kampanyayan, daîm selewat li ser Resûlûllah tînin û eşqa pêxember dixin heyata xwe. Ev ne tiştekî biçûk e.”
Yahya Oğraş beyan kir ku par teqrîben li 250 deveran bernameyên mewlûdê hatin li darxistin, îsal ji niha de deverên ku wê bername lê bên lidarxistin gihaye 290î.