Mela Ahmet Varolê ku lawê Ayşe Varola ku rojên borî çû rehma Xwedê di derheqê dêya xwe de destnîşan kir ji ber ku 4 lawên dêya wî ji ber jiyanên xwe îslamî li cihên cuda di gîrtîgehan de bûn dêya wî 15 salê emrê xwe di rêyên girtîgehan de borandîye.
Mela Ahmet Varol di derbarê dêya xwe de wiha destnîşankir: “Xwedê Teala rehma xwe li deya min û li temamê misilmanan bike. Heftîya borî roja înê dêya min çû rehma Xwedê . Bi rastî jî dêya me netenê dêya me bû , her wiha dêya temamê misilmanan bû. Her kî wê nasdikir jê re digot daye.Dêya min her tim bi derdên misilmanan re eleqedar dibû.”
Mela Ahmet axavtina xwe ya di derbarê dêya xwe de wiha domand: “Her weke ku tê zanîn di pêvajoya 2000an de gelek operasyon li kesên dîndar , misilman û li kesên ku di rêya îslamê de xizmetê dikirin hatin kirin. Di vê pêvajoyê de ez û sê birayên xwe jî hatin girtin. Ez û birayên xwe yên bi navê Mela Muhammed Saîd, Mela Muhammed Xelîl di sala 2000an de birayê me Mela Muhammed Beşîr Varol jî di 2003an de hat girtin.”
Mela Ahmet Varol her wiha destnîşan kir ku piştî ew û birayên xwe hatin girtin re emr û temena dêya wî di çûyîn û hatina rêyên girtîgehê de derbas bû û ji ber vê yekê dêya wê di 15 salên dawîyê yên emrê xwe de gelekî tedayî û zehmetî kişandîye.(ÎLKHA)