Yekîtiya alimên muslumanê cîhanê, ji ber li ser protestovanan şîddetê bi kar aniye, Bangladeşê şermezar kir û îqaz kir ku, ji rageşiya li welêt îdara Bangladeşê mesûl e.
Di beyana nivîskî ya yekîtiyê de hat gotin ku, piştî li Delwer Huseyîn Seîdî ceza îdamê hatiye birîn, millet protesto li dar xistine. Feqet îdara Bangladeşê, li protestovanan şîddetê bi kar anîye. Divê bê zanîn ku, ji rageşî û nerihetiya welêt, hikûmeta Bangladeşê mesûl û berpirsiyar e.
Her wiha bi beyanatê ji hikûmeta Bangladeşê hat xwestin ku, li welêt ewlehiyê avabike, lîderên siyasî berde. Mehkemekirin sembolîk in û qirar siyasî ne. Yekîtiyê îfade kir ku, heqek xelkê ye ku ji bo berdana lîderên xwe protesto li dar bixin.
Wekî tê zanîn piştî ku, li Huseyîn Seîdî ceza îdamê hatibû birîn, li seranserê welat hadîse û protesto qewimîbûn. Zêdetirî 80 kes hatibûn kuştin. Hikûmeta Bangladeşê, dijminantiya Îslam û mensûb û mezinên Cemaeta Îslamî dike. Ji ber vê yekê, li lîderên Cemaeta han, ceza îdamê dibire û cezayê giran dide mensûbên Cemaetê. bangaheq