Şandeke karsazên bajara Arak ê Îranê ji bo ku beşdariya 8emîn Fuara Bazirganî ya Navneteweyî ya Hewlêrê bibin, bi serokatiya Ûzeyîmî digel Serokê Odeya Bazirganiyê yê Hewlêrê Dara Celî Hayat civiyan.
Hûseyîn Ûzeyîmî di wê civînê de ragihand ku ew amanc dikin ku têkiliyên xwe ên digel Herêma Kurdistanê bihêztir bikin û got; “Têkiliyên me ên bazirganiyê pir baş in, ji %60ê bazirganiya Îranê ya digel Iraqê, digel Herêma Kurdistanê ye. Hecmê bazirganiya me a salane jî nêzîkî 11 milyar dolar e. Li Herêma Kurdistanê 400 şirketên Îranê hene. Herêma Kurdistanê ji bo me pir giring e û em dixwazin hem têkiliyên xwe ên cîrantî û hem jî yên aboriyê bihêztir bikin.”