Hereketa Mustezefan, der heqê şewata li hepsan de, beyanatek weşand. Beyanata medyayî, ji teref berdevkê hereketê parêzer M.Huseyîn Yilmaz ve, hat xwendin.
Di beyanatê de, derd û problemên mehkûm û girtiyan, nexasim yên siyasiyan, rewşa hepsên li Tirkiye û polîtîka hikûmetê ya ji bo hepsan hat îfade kirin. Parêzer Huseyîn Yilmaz da zanîn ku li hepsa, derd û daxwaz û problemên mehkûm û girtiyan, nayên guhdarî kirin. Heyata mehkûm û girtiyan, ne ewqas bi qîmet e. Bê xwestina girtiyan, me’mela ğeyrî hiqûqî li wan tê kirin, tên sirgûn kirin. Heps bi ser qapasîta xwe ketine. Di şewatan de, cîddî îhmalên îdara hepsan hene. Çare ne zêdekirina hepsan e. Çare rê girtina li ber çûna hepsê ye. Divê ji mehkûm û girtiyan re ef bê derxistin û di cezayan de daxistin bê kirin. Piştî berdanê, divê mehkûmên siyasî karibin bi legal û teşkîlat xwe îfade bikin.
Her wiha berdevkê hereketa Mustezefan parêzer Huseyîn Yilmaz, da zanîn ku ji bo hepsa Rihayê, heyetekê şandiye. Wê heyet lêkolînên xwe, bi raporek amade bikin û wê vê raporê, bi millet re parve bikin. (Ferman Çiyayî/Bangaheq)