Komeleya Perwerde Çand û Piştgiriya Hezkiriyê ya Êlihê (Sevgî-Der) di bergeha salvegera Qetlîama Helebçê û Heftiya Mustezefên Dinyayê de pêşangeha wêneyan lidar xist.
Di pêşangehê de wêneyên Yasîn Boru û hevalên wî yên ku di 6-7ê Cotmeha sala 2014an de ji teref HDPKKê ve hatibûn qetilkirin û wêneyên Aytaç BaranÊ ku ji teref PKKê ve hatibû qetilkirin jî hatin pêşandan.
Endamê Sevgî-Derê Emîn Uras diyar kir ku wan bi minasebeta Heftiya Mustezefên Cîhanê pêşangeha wêneyan lidar xistine.
Uras diyar kir ku ev cara 7 emîn e ew pêşangeh lidar dixin û bi vê yekê armanca wan ew e ku kesên dûçarê zulmê bûne bînin bîra gel. Dûvre Uras wiha pê de çû: “Pêşangeha me bi taybetî ji Helebçê û gelemperî jî ji bo mezlûmên dinyayê tê lidarxistin. Ji bo ku ji zulma tê kirin re bibêjin ‘bes’ em vê bernamê lidar dixin. Mihxabin hêj jî di erdnîgara Îslamê de ev zulm didomin.” (ÎLKHA)