Malbatên ku dixwastin zarokên wan di van her 3 mehên betlaneyê de hînî Qur’ana Kerîm bibin û dersên Îslamê bistînin zarokên xwe şandin camî û qursên Qur’anê. Li navenda Êlihê û li gund navçe û gundên we digel tatîlbûna mekteban zarok berê xwe dan qursên Qur’anê û camiyan. Li van derên ku zarok berê xwe dane hewil tê dayîn da ku ji zarokan re di derî de Qur’ana Kerîm û heyata Resûlullah bê hînkirin û dû re jî dersên Îslamî bê dayîn.
Evdilxanî Savê ku Melayê Mizgefta Enbiyayê ye di derbarê mijarê de diyar kir ew hewil didin ji bi sedan telebeyên camiyê re bi şikleke herî baş perwerdeya Îslamî bidin û dû re wiha li axavtina xwe zêde kir: “ Piştî ku mekteb bûn tatîl re çawa ku li temamê Tirkiyê qursên Qur’anê dest pê kirin bi heman awayî li Êlihê jî dest pê kirin. Îro gelek zarok hatin mizgeftê. Me li camiyê dît ku zarok li camiyê pir bextewar in û ebeveynên zarokan dixwazin ku zarokên wan her tim werin mizgeftê.”
Sav di berdewama axavtina xwe de diyar kir her sal ji 300 zêdetir telebeyên wan tên camiyê û dû re wiha li axavtina xwe zêde kir: “Îro roja ewil e û bi sedan qîz û law hatin mzigeftê. Em digel seydayên xwe hewil didin perwerdehiya elîfba û Qur’anê û her wiha perwerdehiyên Îslamî bidin zarokan da ku dema mezin bûn bila bêperwerdehî nemînin.”
Sav di dawiya axavtina xwe de diyar kir bila zarokên din jî muheqqeq werin mizgeftê.(ÎLKHA)