Çavuşoglu axavtina xwe wisa domand: “Em ê mijara Sûriyê di nava hevkariyên nêztir de binirxînin.Em di warê parçenebûna Sûriyê de hemfikir in.Em hêj mêj ve girîngîya Îranê ya di warê çareserkirina qrîza li Sûriyê de tînin ziman.Em di navbera PKK-PJAK-PYDê de tu cudahiyê nabînin û em dizanin ku ew ji bo ewlehîya heremê û ya Îran û Tirkiyê tehdîd in. Li Sûriyê ji bo aştiyeke mayînde em ê hevkariyên xwe bihêztir bikin.”
Zarîf: Em ewlehîya Tirkiyê wek ewlehîya xwe dibînin
Wezîrê Karên Derve yê Îranê Cevad Zarîf jî di derbarê teşebûsa darbê ya ku di 15ê Tîrmehê pêk hat de wiha axivî: “Ez dixwazim xelkê Tirkiyê ji bo berxedana ku li dijî darbekeran nîşan dane tebrîk bikim.Xelkê Îranê û temsîlakarên Îranê li ba Tirkiyê ne.Nêrîneke hevpar a me her du dewletan di warê mucadeleya bi terorê heye. Em ewlehîya Tirkiyê wek ewlehîya xwe dibînin.Em ê tu carî ji xelkê Tirkiyê dûr nekevin.”(ÎLKHA)