200 kes ji nêzî 30 grûbên muxalîfên Sûriye, li Misrê civiyan. Wezîrê karên derve yê Tirkiye jî tevlî civînê bû. Piştî sê rojan civîn qediya. Civîn bi alîkariya yekîtiya ‘Ereb hat li dar xistin. Welatên rojava jî destekê didin vê civînê.
Di civînê de muxalîf, carna bi hundikan ketin ber hev. Lê dîsa jî muxalîf hemfikir bûn ku destekê bidin ordiya azad ya Sûriye. Ordiya azad a Sûriye jî, mudaxela ecnebiya dixwaze.
Li aliyê din muxalîfên Kurd, ji civînê vekişiyan. Ji Konseya mîllî a Kurdan Ebdulezîz Osman wiha got “Kurd ji civînê vekişiyan. Lewra konferans, maddeya derbarê naskirina milletê Kurd de qebûl nekir. Ji ber ku mîlliyeta Kurdan di nav maddeyên civînê de nehatiye qebûl kirin, muxalîfên Kurd vekişiyane.”
Berdevkê Encumena Kurdên Sûriye Ebdulhekîm Beşar, diyar kir ku civîna li paytexta Misrê, negihaye amancê. Muxalîfên din jî, muxalîfên Kurdan bi kirina şovê tenkîd kir. (Ferman Çiyayî/Bangaheq)