Berlîn (Rûdaw) – Komek ciwanên kurd ên rojavayê Kurdistanê li Berlînê êrişê balyozxaneya Sûriyê kirin û ala Kurdistanê li ser avahiya wê bilind kirin.
Şeva din (12.11.2012) komek ciwanên ji rojavayê Kurdistanê li bajarê Berlîn ê Elmanya êrişê balyozxaneya Sûriyê kirin. Dirûşmeyên li dijî rejîma Beşar Esed avêtin, ala Sûriyê anîn xwar û ala Kurdistanê li ser avahiya balyozxaneyê bilind kirin.
Ciwanên kurd wekî nerazîbûna li dijî êrişên balafirên şer ên rejîma Esed ên bo ser bajarokê Serêkaniyê êrişî balyozxaneya Sûriyê kirin.
Duh balafirên Sûriyê bajarokê Serêkaniyê yê rojavayê Kurdistanê bombebaran kiribûn û bi dehan kes biribûn qurbanî.