Çoligê Kanîreş de qezaya ke otomobil û motosîklêt pêro dayî de 3 kesî birîndar bîy. Ame zanayene ke birîndaran ra ramoxê motosîklêtî Y.N. yê xetereya cuyîya ey est a.
Qeza, saetanê şanî de rêya Çolig-Erzurûmî ser o, dewa Toklularî ya Qêlêvî de ameya meydan. Motosîklêto bi plakaya 12 ACL 553 ke binê idareyê Y.N. de bi, û otomobîlo bi plakaya 60 EC 482 ke binê idareyê M.B. de bi, pêro day. Qeza de ramoxê motosîklêtî Y.N., ramoxê otomobilî M.B. û N.K. yo ke otomobil de biyo birîndar bîy. Birîndaran ra M.B. û N.K. amey berdene nêweşxaneyê dewletî yê Kanîreş; ramoxê motosîklêtî Y.N. zî peyê mudaxaleyê verênî ra şawiya Çoligî. Ame vatene ke xetereya cuyîya Y.N. est a.
Derheqê qeza de tehqîqat dest pêkerd.