Çawa meha remezanê bixêr û bereket e, xîzmet û îbadet û alîkariyên tê de tê kirin jî, gelek bixêr in. Ji ber vê yekê, hem şexsî hem jî komelî alîkarî tên kirin. Nexasim kesên feqîr di vê mehê de nayê jibîrkirin. Komelên Îslamî, li feqîr û reben û belengazan, ğida û eşya belav dikin, êvarê jî wan difitirînin.
Li Edenê jî komela Umut-Der Gida Bankasi, li merkeza çarşiyê, xwarina fitariyê da. Li meydana Beş Ocakê, nêzî 500 kes beşdarî xwarina fitariyê bûn. Mensûb û dildayê komelê, bi şahiyek mezin xizmeta rojîgeran kir.
Derbarê xizmetên komelê de, serek Selahaddîn Yenîay wiha diyar kir “Me xizmetên xwe, di vê mehê de, qatek zêde kir. Alîkariyên xêrxwazan yên giha me, me li feqîr û hewcedaran belav kir. Ji bo dana xwarina fitariyê jî, me muracaet kir û me aktîvîteke fitariyê li merkeza sûkê li dar xist. Elhemdûlîllah xelkê me teveccuhî fitariyê kir. Eger Xweda bike nisîb, em dixwazin çend carên din jî fitariyê wiha bidin.”
Bernama Xwarina fitariyê, ji teref Mela Ekrem Xoce, bi xwendina duayê qediya. (Ferman Çiyayî/Bangaheq)