Li gor agahiyên ku hatine wergirtin qapaxên Bendeva Birecûkê ji teref xebatkarên bendavê ve ji ber sedemake hêj nediyar ve hatin vekirin.Ji ber qapaxên ku hatin vekirin, zeviyên li gundê Metelera Birecûkê û li gundê Saraya navçeya Nîzîpê di bin avê de man.
Di derbarê mijarê de Muxtarê Gundê Sarayê Bahattîn Yilmaz destnîşan kir ji ber ku qapaxên bendavê hatine vekirin ev mexdûriyet pêk hatiye.Muxtar dû re wiha li axavtina xwe zêde kir: “Li gund nêzî 12 malbatan dijîn.Zeviyên me yên zebzewat û fekiyan hebûn.Ev zeviyên me zirar dîtin.Pêwîst e ev mexdûrîyeta me ji rastê bê rakirin.”
“Keda feqîr û xurebayan ma dibe ku di bin avê de bê hiştin?”
Her wiha ji nîştecihên gund Havva Coşkunkan jî di derbarê mijarê de destnîşan kir berî ku qapaxên bendavê bên vekirin tu kesî xeber nedaye wan û wiha li axavtina xwe zêde kir: “Ez û mêrê xwe bi tena serê xwe li vir bûn.Dema ku min dît tirhikên fistiqan di bin avê de mane, ez rûniştim û giriyam.Me ji sala borî heta niha bi wan re mijûl bûn û ked li wan xerç kir.Gelo ne pêwîst bû ku xeber dabana me? Keda feqîr û xurebayan ma dibe ku di bin avê de bên hiştin?Hemû tiştên me çûn, em mexdûr bûn.Em ji rayedaran daxwaz dikin ku alîkariya me bikin.”
Bi heman awayî kesên bi navê Muslum Polat, Bekîr Toktay û Suleyman Yavuz jî di qala bûyerê kirin û ji rewşê re bertek nîşan dan.(ÎLKHA)