Hat ragihandin ku derbarê teqîna rafîneya TÜPRAŞê ya ku li Îzmîrê qewimî û 4 kes jiyana xwe ji dest dan de biryara girtina 7 kesan hat girtin.Li gor agahiyên hatine wergirtin derbarê bûyera do li rafîneya TÜPRAŞê ya Îzmîrê qewimî û 4 kes jiyana xwe ji dest dabûn de Serdozgeriya Komarê lê pirsîn dabû destpêkirin û derbarê mijarê de 2 dozgerê komarê hatin wezîfedarkirin.
Di çarçoveya lêpirsînê de îdarevanên TÜPRAŞ û firmaya taşeronê jî di nav de 7 kes hatin binçavkirin, hat hînbûn ku di nav kesên hatine binçavkirin de berpirsiyarên qadê jî hene.
Hat hînbûn ku derbarê teqînê de komkirina delîlan dewam dike.
Hat ragihandin ku do sibê li rafîneya TÜPRAŞê ya li Alîağaya Îzmîrê dema lêniherîna tanqan dihat kirin, di tanqêde teqîn pêk hatibû û di encama teqînê de 4 kes jiyana xwe ji dest dabûn.Li cihê bûyerê mudaxeleyî 2 kesan hatibûn kirin û birîndarên din jî hatibûn rakirin Nexweşxaneya Alîağayê.(ÎLKHA)