Kesê kul û derd û cefa û êşa operasyon û şerrê di navbera esker û PKKê de, bi dijwarî dikşîne millet e. Gundî û bajarî, esnaf û xwendevan û cotkar û şivan her sinifê milletê herêmê, bi salan e şerpeze û perîşan e.
Li Bazîda Agirî, li gundê Qizilqayayê, Şivan Huseyîn Yîğît li çolê heywanên xwe diçêrand. Gundiyê şivan pêl mayinê kir û can da. Di hadîseyê de Elî Sokmen jî birîndar bû. Wî rakirin nexeşxana Bazîdê. Di teqînê de 13 mêşîn jî telef bûn.
Li ser teqîn û kuştina şivan, gundiyan tepkî nîşan da û diyar kirin ku berî niha jî li wê derê mayin teqiyabû. Feqet tu wezîfedar heta niha tu tedbîr negirtibû.
Di meha Temûzê de li eynî deverê, mayinek din teqîyabû. Di hadîseyê de dîsa kesekî can dabû û yek jî birîndar bûbû. www.bangaheq.net