Yahûdiyên dijberê sîyonîzmê, Îsraîla siyonîst protesto kir. 327 yahûdiyên ku di heyama herba dinyayê ya 2an de li kampên Naziyê girtîbûn û zarokên wan, qetlîamên Îsraîla siyonîst ên li ser Ğezzeyê şermezar kirin.
Evan 327 yahûdî û zarokên wan, îmze avêtin mektûba ku ji aliyê Tora Yahûdiyên Antî-Siyonîst a Navneteweyî ve hat amadekirin û di qezeta New York Timesê de hat weşandin.
Di mektûbê de wiha hat gotin:
“Em wek yahûdiyên qurbanên jenosîda Nazîyê û digel zarokên xwe qetlîama Îsraîlê ya li ser Ğezzeyê, ambargoya li ser Ğezzeyê û hewla ku Filistîna dîrokî bikin kolonî teqez şermezar dikin.”
Di mektûbê de Emrîkaya ku destekê dide terora Îsraîla siyonîst jî hat şermezarkirin û hat îfadekirin gotinên irqçî û jiserhişêxweçûyî ya ku li nav civata Îsraîlê zêde dibin nerihet in. Her wiha şedîd hat lomandin ku medyaya Îsraîlê, irqçîtiyê dike, gazî jenosîdê dike, kesên neheq wek heqdar nîşan dide.
Di dawiya mektûbê de hat xwestin ku hemû însaniyet pevre dengê xwe bilind bikin û yekîtiya hêzê pêk bînin û li ber hemû irqçîtiyê bisekinin û weha hat gazîkirin:
“Em gazî dikin ku ambargoya li ser Ğezzeyê acîl bê rakirin û îşgal bi dawî bibe. Bila li hember Îsraîlê, boykoteke ekonomîk, kulturî û akademîk a tam bê destpêkirin.”
Çınarın Sesi