Li Tahrana paytexta Îranê sempozyumeke bi navê “Hêzên Mezin û Ewlehîya li Herêmên Asya Rojava” hat tertîpkirin. Fermandarê Hêzên Çekdar ê Îranê Muhammed Bakirî di axavtina xwe ya ku di sempozyumê kir de balan kişand li ser hewildanên dijminan a li ser Mislimanan.
"Dijmin jevqetana Sunnî û Şîîyan dikin û hewil didin herêmê bişewitînin"
Bakirî di berdewama axavtina xwe de diyar kir îsraîl bi şikleke mezin têk çûye û dû re wiha li axavtina xwe zêde kir: “ Di sala 2006an de di wan şerên 22 û 33 rojî de îsraîl têk çû û mexlûb bû. Ev têkçûn, têkçûna hêzên mezin a li hember şerê gerîllayê ye. Dijmin îro li herêmê cûdahîya Şîî û Sunnîyan dikin û sûdê ji tekfîrvanan digrin û hewil didin herêmê têxin nava êgir. Lê belê dawîya vê fitnê hat. Li Sûrîyê digel temamê hewildanên wan negihaştin hedefên xwe.”
ÎLKHA