Di êrîşa ku duh êvarî di seat 23.40an de li taxa Aştiyê li Şubeya Eskeriyê hatibû kirin de gelek avahî, kargeh û wesayît zirar dîtin.Dikandarên ku dikanên wan zirar dîtibûn îro dest bi paqijiyê kirin û hewl dan da ku birînên xwe bipêçin.
“Pêşî dengê teqînê hat dûvre giloka agir xuya kir”
Mahsûm Yalçinê ku ji dikandarê navçê ye û dikana wî ji ber êrîşê zirar dîtiye diyar kir di dikan û mala wî de gelek zirarê mezin pêk hatiye.Yalçin dûvre wiha li axavtina xwe zêde kir: “Çawa ku dengê teqînê hat me xwe ji nişka ve avêt erdê, dûvre me dît ku giloka agir li ser cihê ku teqîn pêk hatiye çêbû.Zarok gelek tirsiyan.Ez a niha nizanim çawa ne. Di mal û dikana min de gelek zirar pêk hat.Weke ku hûn jî dibînin a niha ez hewl didim paqijiyê bikim.”
“Cameke ku neşkiyaye nema”
Dikandarekî din ê bi navê Abîdîn Dogan jî di derbarê mijarê de diyar kir ji ber teqîna ku pêk hatiye camên dikana wî tev şikiyane .(ÎLKHA)