Berî niha ji ber pevçûnên hêzên dewlet û PKKê, rêxistinên bêqanûnî mîna kontirgerîlla, Jîtem, BÇG hatibûn sazkirin û li ser serê millet har bûbûn. Ji ber kirinên wan yên ğeyrî qanûnî gelek kes bêsûc û bêmehkeme hatibûn revandin, kuştin û windakirin. Gund hatibûn şewitandin û valakirin. Bi hezaran însan ji war û malê xwe bûbûn.
Ev nêzî mehek e, li hêla Colemêrgê, di navbera eskeriyê û mensûbên PKKê de, şer diqewime. Her dû hêl jî negihaştine meqsedên ku dixwestin. Ji ber vê yekê jî, ji xwe re taqtîkên din bikar tînin. PKK dixwaze bi êrîşên gerîllayî xisarê bide eskeriyê. Hêzên dewletê jî, niha tê îfade kirin ku bi hêzên taybet dixwaze operasyonên kontirgerîllayî pêkbînin. Hêzên emniyet û asayîşê di salên 1990an de jî bi vî awayî fealiyet kiribûn. Lê xuyaye ku wê dîsa millet di agirê wan de bişewite.
Hat îfade kirin ku mensûbên PKKê yên xwestine li nava Şemzînan êrîşa pêk bînin, bi taktîkên kontirgerîllayî hatine kuştin. Tê gotin ku teyarên bê însan û jetên F-16 li asîmanê herêmê digerin.