Do li dora Sîcîlyaya Îtalyayê, şikefeke ku koçberên Efrîkayê yên qeçax dibirin, ewilî agir pê ketibû, dûre jî xerq bûbû. Di hadîseyê de hejmara miriyan bi ser 300î ket. Tê endîşekirin ku hejmara miriyan zêde bibe.
Tê gotin ku gava agir bi şikefê dikeve, rêwî xwe davêjin behrê. Çer ku ewlehiya rexê behrê ya Îtalyayê pê dihese, bazdide alîkariyê û 140 kesî xelas dike. Lê gelek kes di avê de dixeniqin. Hat îfadekirin ku di şikefê de dora 500 koçberên qeçax hebûne.
Rayedar îfade dikin ku zêdetirî 200 koçber jî winda ne. Xebatên lêgerîn û rizgarkirinê dewam dikin. Tê beyankirin ku rêwiyên qeçax ji Erîtreyê bûne.
Kesên xelas bûn îfade kirin ku av dikeve şikefê. Rêwî ji bo bala gemiyên din bikşînin ser xwe, agir dadidin. Ji ber bayê, agir gûr dibe, ji lew rêwî dikevin panîkê û şikef serûbin dibe. Gelek kes xwe davêjin behrê (Bangaheq)