Înîsîyatîfa Malbatên ku Mexdûrên FETO û 28ê Sibatê ne Şaxa Êlihê ya Egîtîm-Bîr Senê ziyaret kirin. Malbat di dema ziyaretê de mexdûriyetên xwe anîn ziman û destekê teleb kirin.
Di dema ziyareta ku hat kirin de berdevkê malbatên mexdûr Huseyîm Olam qala mexdûrîyeta malbat û naskiriyên wan kir û wiha axivî: “Ew mehqûmên ku ji teref daraz û polêsên FETO ve bi kumpas û komployan hatine girtin divê êdî bên dîtin.Ev kes ji teref FETO bi kiryarên nehiqûqî hatin girtin. Em teleb dikin ew qerarên ku ji teref hakim û dozgerên FETO ve hatine dayîn bên betalkirin û kesên mexdûr ji nû ve bên darizandin.Di vî warî de em desteka we teleb dikin.”
“Di salên 90an de ji camîayên Îslamî re kumpas hatin damizrandin”
Serokê Şaxa Êlihê ya Egîtîm-Bîr Senê Mehmet Ergîn jî di dema ziyaretê de di derbarê mijarê de diyar kir ew amadene ji bo wan kesên ku ji teref FETO û 28ê Sibatê hatine mexdûrkirin re alîkariyê bikin û wiha li axavtina xwe zêde kir: “Beriya 28ê Sibatê jî di salên 90an de ji gelek însanên mutedeyyîn re kumpas hatin damizrandin û hatin girtin. Me berî niha çendîn carî anî ziman ku divê ev kes ji nû ve bên darizadin. Divê ji wan kesên ku bi komployan hatine girtin re rêya darizandina ji nû ve bê vekirin.”(ÎLKHA)