Ew taaruza siyasî ya ku di pêşengiya Siûd de li Qatara ku lê rayedarên HAMAS û Îxwanê bi mecbûrî îqamet dikin tên kirin, di cografyaya Îslamê de bû sedema qeyraneke nû.
Di daxuyaniya ku ji teref HUDA PARê ve hatiye weşandin de di derbarê mijarê de hat ragihandin ew hewildan a dorpêçkirina Qatarê ye û dû re wiha li daxuyaniyê hat zêdekirin: “Trumpê ku piştî hat serê dewletê hema bi lez Îslam û komên Îslamî xist hedefa xwe û destekê da îsraîl û Sîsiyê darbeker Erebistana Siûd ziyaret kir û piştî wê ziyaretê li dijî Qatarê dest bi operasyonê hat kirin ku ev yek manîdar in.”
“Emperyalîst bi destên hevkarên xwe yên di nav alema Îslamê de dixwazin Qatarê ceza bikin”
Di berdewama daxuyaniyê de hat ragihandin ji ber ku têkiliya Qatarê bi Tirkiyê re baş e û ji ber ku Qatar di warê meseleya Îranê de bi wasat e tê hedefgirtin û dû re wiha li daxuyaniyê hat zêdekirin: “ Her çi qas ji qeyranê re Îxwanul Muslîmin û HAMAS wek hincet bê nîşandan jî mesele di rastiyê de ne wisa ye. Raya giştî ya Misliman dizane ku Qatar ji ber ku ji planên emperyalîstan re xizmetê nake, ji ber ku di wê şerê sunnî-şîî ya ku tê xwestin di nav ummeta Îslamê de bê derxistin de wek Siûd û welatên Kendavê nabe aktor, ji ber ku pêwendiyên wê bi Tirkiyê re baş e û ji ber ku bi di warê Îranê de weset e li hember Qatarê ev yek tê kirin û ev helwest tê nîşandan. Temamê van tiştan ji ber ku tê maneya derketina planên ku Amerîka û Îsraîl xêz dike emperyalîst bi destên hevkarên xwe yên di nav alema Îslamê de dixwazin Qatarê ceza bikin.”
“Ev qerara welatên Kendavê seranser ji emperyalîstan re xizmetê dike”
Di berdewama daxuyaniyê de hat ragihadin ew operasyona ku li Qatarê tê kirin ji wê darbeya ku li Misirê hat kirin û ji wê teşebûsa darbê ya ku di 15ê Tîrmehê li Tirkiyê hat kirin ne xweser e û dû re wiha hat gotin: “ Ew darbe û operasyon planên emperyalîstan in da ku welatên Îslamê pê bên dizaynkirin. Ev qerara welatên Kendavê seranser ji emperyalîstan re xizmetê dike. Ev qerara ew ê fitne û agirê li heremê zêdetir bike. Di van rojên ku tê de pêdiviya alema Îslamî bi lez ji hizûrê re heye de ‘Welatên Kendavê’ divê ji vê qerara ku hizûrê xera dike vegerin. Divê ji armanc û planên Amerîka û Îsraîlê re xizmetê nekin, divê ji bo hizûra alema Îslamê xizmetê bikin.”
Di dawiya daxuyaniyê de hat ragihandin heta yekîtî neyê tesîskirin ew ê ew welatên ku di hedefê de ew ê ji tevlîhevkirinê xelas nebin.(ÎLKHA)