Serekwezîr Erdoğan di xeberdana xwe ya di civîna koma xwe de li ser bûyerên Parka Geziyê sekinî.
Erdoğan di vê derbarê de go: “Çalakî gelek organîze û rêxistî hatin kirin... Herkesî di van bûyeran de biratiya Neteweperest û yên dixwazin welat parçe bikin, biratiya faşîst û sosyalîstan û muhebbete wan a ji hev û din re dî. Herkesî dî ku tev bi hev ra êrîşî yek hedefî dikin.”
Erdoğan di xeberdana xwe de sendîqayên ku çûne grevî jî rexne kir û go: “Yên ku di reklamên Bankayan de dileyizin û kapîtalîzmê rexne dikin çiqas çepgîr bin, sendîqa jî ewqas çepgîr in. Yên ku leyistoka lobiya faîzê ne çiqas alîgirê kedê bin, van sendîqayan jî ewqas alîgirê keda dest in.”
Erdoğan di dewama beyanatên xwe de go: “Ne pêkane ku em destûr û musamahayê bidin tu rêxistinên tûndiyê bikartînin. Xesara ku van bûyeran li dewletê kiriye sed trilyonî derbas kiriye.”
Erdoğan di xeberdana xwe de Kiliçdaroğlû û CHPê jî rexne kir û go: “Li Tirkiyê ji ber ku muxalefet nîn e û di vê derbarê de valahiyeke mezin heye xelqê xwe bera kolanan da.” BANGAHEQ