Siyonîst Îsraîl guhneda agirbestiyê, dîsa êrîşî du qempên multeciyan kir. Di êrîşan de 7 Fîlîstînî birîndar bûn.
Berdevkê wezareta sihhetê ya Fîlîstînê Eşref Kudra wiha diyar kir “Eskerên îşgalkerê Îsraîl, bi sîlehên otomatîk êrîşî qempên El Meğazî û El Berîcê yên li Ğezzeyê kirin. 7 Fîlîstînî birîndar hatin rakirin nexweşxana şehîdan.”
Ji hêla Îsraîl ve, der heqê hadîseyê de tu xeber nehat dayîn. Wekî tê zanîn di 21ê mijdarê de agirbestî pêk hatibû. Lê siyonîst Îsraîl car car bi êrîşan, agirbestiyê îhlal dike.
Li aliyê din serekê Hamasê Xalid Meşal, li Beyrûtê di vekirina merkeza Zeytûnê ya muracaet û lêkolînê de xeber da û îfade kir ku wê li herêma Şerîa rojavayê jî hêzên berxwedanê bicîh bibin. Xalid Meşal wiha got “Agirbestiya bi Îsraîl re, ne devberdana ji berxwedanê ye, belkî zêdekirina riyên ku dighîne zafera azadiya Fîlîstînê ye. Ji bo azadiya Fîlîstînê, hewce ye ku welatên Ereb û Fîlîstînê bi hev re hereket bikin.” www.bangaheq.net