Ewrên tozê yên sehra û Erebîstanê li hêla rojhilat û başûrê rojhilata Tirkiyeyê, heyatê xiste bin zehmetiyê.
Li gor xeberan hat gotin ev du roj e li Şirnex û navçeyên wê û li bajarên dor wê, ewrên tozê girtiye ser şehir. Ji ber ewrên tozê li Şirnexe derabê dikana venebûn. Xelkê pacên xwe, esnafan jî dikanê xwe girtin. Ji bo wesaîtan dîtina mesafeyê daket 100 metreyê.
Her wiha li Wan û Colemêrg û Erzeromê jî, ji ber ewrên tozê heyat zehmetkêş bû. Seferên teyaran yên li Wanê hatin betal kirin. Dîtina mesafeyê daket 200 metreyê. Ji ber vê yekê ji Enqere, Stenbol, Îzmîr û Entelyayê seferên teyara yên bi bal Wanê ve hatin betal kirin. Ji ber ewrên toz û germahiyê, li van dera heyat kete bin zehmetiyê.
Li aliyê din meteorolojiyê, ji bo hinek deveran hişyariya toz û barana heriyê da. Li gor beyana Miduriyeta Meteorolojiyê, tê hêvîkirin ku îro li Mêrdînê, Sêrtê, Batmanê, Şirnexê, Colemêrgê, Mûşê, Wanê, Bedlîsê, Çabakçûrê, Erzeromê, Agirî, Qersê û Erdehanê, barana heriyê bibare.
(Ferman Çiyayî/Bangaheq)