Platforma Kerwana Umutê beriya meha Remezanê, li Mêrsîn û Ceylanpinarê li malên feqîr alîkarî belav kirin.
Li Mêrsînê mensûba platformê Cemiyeta Mustezefan, li malên feqîr ğida û xwarinên ji bo taştê belav kirin. Berdevkê platformê Omer Ayhan pey belavkirina alîkariyan beyaneke kin kir.
Li aliyê din platformê ji Diyarbekir ji bo li mihacirên Sûriyeyî bên belavkirin, 500 pakêt şand Ceylanpinarê. Serekê Umut Kapisi Gida Bankasiya Diyarbekirê M. Siddik Fûrkan diyar kir ku, alîkariyên şandine Ceylanpinarê, wê bi wasîteya komela Ensar-Derê li milteciyên Sûriyê bên belavkirin.
Her wiha Umut Kapisiyê li Diyarbekirê jî, li 600 malbatên mixtac alîkarî belav kirin. Siddik Fûrqan wiha got “Xêrxwazên me, ger bixwazin dikarin alîkariyên xwe teslîmî malbatên ku me tesbît kirine bikin yan jî bi wasîteya me alîkariyên xwe bigihînin malbatên mixtac.”