Gel ji bo ku dixwazin sebzeyên xwe bigihînin çûne li cem şitilvanan.
Şitilvanên ku bêhtir şitilên riweka hewdikê, darên sîhê û darên fêkîyan difiroşin gotin ku li Rihayê bêhtir şitila îsotê tê firotin.
Îbrahîm Yalçinê ku ev 8 salê şitilvanîyê dike got ku îsal bêhtir rexbet ji şitilan re heye.
"Em şitilên îsot, firingî û bacanê reş difiroşin"
Yalçin got ku şitil di 3 mehan de mezin dibin û gotinên xwe werê domand: "Em firotina şitilan dikin. Em şitilên îsot, firingî û bacanê reş jî difiroşin. Şitil di 3 mehan de mezin dibin em jî di mehekê de difiroşin. Pîvaz û firingî 70 lîre, bacanê reş 70 lîre û îsot jî bi 100 lîreyî tên firotin. Îsal rexbet pir e. Ji ber ku li van deran îsot tê hezkirin bêhtir rexbetê dibîne. Em di meha Nîsan û Gulanê de firotinê dikin. Nêzî 20 rojên din em li vir in. (ÎLKHA)