Wezîrê Enerjiyê Taner Yildiz, diyar kir ku li bakurê Kurdistanê karkerên ji bo xebatê nabînin û bang li kurdan kir. Yildiz got ku "Hewce ye ku birayên me yên kurd ên li wir, guh bidin banga îstihdamê û li gor wê tevbigerin."
Wezîrê Enerjî û Çavkaniyên Tabiî yê Tirkiyê Taner Yildiz, destnîşan kir ku qaçaxvaniya mazotê ya mezin ne bi hêstiran e ya bi gemiyan tê kirin e. Yildiz diyar kir ku qaçaxvaniya mazotê ya bi hêstiran her tim tê rojevê, lê ya li behran tê piştguhkirin. Yildiz wiha got: "Qaçaxvanî kêm bûye, lê bidawî nebûye. Em ê bi xebatên nû netîceke bigrin."
Yildiz balkişand ser çavkaniyên binerdê yên wekî sifr, çînko û petrolê yên li Colemêrgê derketine holê û wiha got: "PKK hewl dide hizûra herêmê re bibe mani’. Barajên ji bo avdanê jî dihilweşînin. Em ê destûr nedin vê yekê. Em ê bixebitin ku petrola li wir, derxin."
Yildiz da zanîn ku li bakurê Kurdistanê karkerên ji bo xebatê nabînin û bang li kurdan kir. Yildiz got ku "Hewce ye ku birayên me yên kurd ên li wir, guh bidin banga îstihdamê û li gor wê tevbigerin." (Ferman Çiyayî/Bangaheq)