Li Misrê hereketa îttîfaka mîllî ya ku derbeyê red dike û destekê dide meşrûiyetê, di çarçova hefteya wefaya ji bo xwîna şehîdan de, li 9 bajaran protesto li dar xistin, ji bo yekşema 22ê Îlonê jî, gazî bêîtaata sivîl kir.
Protesto li Qahîre, Îskenderiye, Suweyş, Benî Suweyf, Mînye, Şerqiyye, Sînaya Bakur, Sohac û Gîzayê, bi avakirina zencîra însanan dest pê kir. Protestovan daxwaza berdana serekcimhûr Muhemmed Mûrsî û girtiyên din kir, xwestin ku Mûrsî vegere ser wezîfa xwe. Protestovanan di aleyhê cûntayê de slogan avêtin.
Protestovan bi panqartên “Neçe kar û li mal rûnene. Li hemî meydanên Misrê tevlî me bibe” meşiyan, resmên Mûrsî hilgirtin.Her wiha hat gotin ku hêzên Cûntayê li nav bajarê Port Seîdê, Muhemmed Ferecê lîderekî teşkîlata îxwan û parlementerê partiya Hurriyet û edaletê desteser kiriye. Hat îfadekirin ku Ferec bi sûc û bihana teşwîka şîddetê û mensûbtiya şebekeya çekdar, sewkî sewcîtiya Dekhaliyye bûye.
Li aliyê din heyeta îdara Ezherê, li nav kampusê li xwendekar û xoceyên zanîngehê, fealiyetên siyasî qedexe û yesax kir. Heyetê got ku Ezher ne ciyê siyasetê ye, cî û merkeza îlmê ye. (Bangaheq)