Ji teref HDPê ve doh ji bona protestokirina qedexeya Sûrê banga meşê hatibû kirin ku xelkê Diyarbekirê piştgirî û destekê neda meşa HDPê.Meşa ku hat xwestin were kirin polêsan mudaxeleyî kir.Piştî mudaxelê kesên PKKyî li ser cadeyên bajêr bûyer derxistin. Xelkê ku derketin balkonan ji kesên PKKyî re bertek nîşan dan. Her wiha polêsan jî bi biber û avê mudaxeleyî komê kir. Hat ragihandin polêsan li navçeya Yenîşehîra Amedê jî kesên ku dixwastin biçin Sûrê li ber Çayxaneya Esma Ocakê binçavkirin.
Li navenda Diyarbekirê ji ber tehdîdên ku berî niha li dikandaran hatibû kirin esnaf dikanên xwe venekirin. Hat dîtin komên HDPyî li ser hinek cadeyan lastîk şewitandine û rê girtine.Xelkê Diyarbekirê yên ku destek û piştgirîyê nedan meşê derketin balkonê û wiha ji komê HDPyî re bertek nîşan dan: ‘Gelo hûn dixwazin her derî bixin wek Sûrê.’
Dikandarên Diyarbekirê destnîşan kirin ew ji teref kesên rûyên wan nixumandî ve hatine tehdîdkirin û ji ber vê yekê ew dikanên xwe venakin. Li bajêr hat dîtin ku otobusên şaredarîyê jî kontak girtine û karmendên şaredarîyê yên paqijîyê jî wezîfeyên xwe nakin.
Ji rexekî ve di navbera polês û kesên HDPyî de pevçûn berdewam dikin ji rexê din ve jî ji ber gaza îsotê xelkê bajêr gelekî nerihet û aciz dibe. Li ser Cadeya Sentoyê kesên rûyên wan nixumandî TIRek sekinandin û rê ji trafîkê re girtin.
Her weke ku tê zanîn duh ji bona protestokirina qedexeya Sûrê ji teref HDP û DBPê ve banga tevlîbûna meşe hatibû kirin.(ÎLKHA)