Li Batmanê gundiyên Zorkê û Sêgirkan li ber Walîtiyê civiyan. Gundî îfade dikin, araziyên ku ev serê 60 sal e diajon û di destê wan de ne, bi belgeyên sexte ji wan hatine stendin. Ji ber vê yekê li ber walîtiyê protestoyek li dar xistin.
Gundî dibêjin ku, nêzî 3 hezar donim araziyê xezînê li gundê wan e û ne malê kesî yên bi tapo ne. Gundiyan wiha gotin “Niha hinek radibin bi belgeyên sexte mîna malê wan bin, dixwazin dest bidin ser van araziyan. Em vî tiştî qet qebûl nakin. Sebebê civîn û protestoya me, ji ber ku em vê neheqiyê qebûl nakin û ji bo ku em dengê xwe bighînin meqamên bilind, bighînin serekwezîr.”
Gundiyan dan zanîn ku, derdê wan çareser nebe, wê protestoya xwe bidomînin.