Ji lîderên Hamasê Salah Berdewîl, bangî serekê Emrîka Barak Obama kir ku, ziyareta Mescîda Eqsayê ji programa xwe derxe. Berdewîl îfade kir ku, wê ev ziyaret talûka meşrûkirina Îsraîlê bi xwe re bîne. Hamas jî vî tiştî qebûl nake.
Lîderê Hamasê, gazî xelkên Ereb û îdarevanên wan kir ku, li ber yehûdîkirina Mescîda Eqsayê bisekinin. Berdewîl da zanîn ku, ji teref Siyonîstan ve ğeyreta yehûdîkirina Mescîda Eqsayê dewam dike.
Her wiha li ser lihevkirina Hamas û Fetîhê jî xeber da. Berdewîl wiha got “Îdara Fetîhê lihevkirin daye sekinandin. Li Şerîa Rojavayê, girtinên siyasî dewam dikin. Di heqê azadiyan de tu tiştek nehat kirin. Feqet Hamasê li Ğezzeyê ji El-Fetîh re rihetî avakir, ji wan kesên sûcdar berdan.”